حكاياتي مع الحياه

اثناء استقلالي الاتوبيس في ذهابي لإحد المحافظات ، جلس بجواري شاب يبدو عليه الصلاح ولكن للأسف كان وجهه متعثراً ويبدو عليه التعب النفسي والبدني ، اشفقت عليه وقررت التحدث معه لعلي اخفف عنه ،،

وكان بيننا الحوار كالآتي :-

ايه ياعم مالك مخنوق كده ومتضايق وشايل الدنيا فوق راسك خير  *رد *  لا شكراً جزاك الله خير ما في شيء ، يا عم احكي الطريق طويل وبصراحه انا ارتحت لك – اعتبرني أخوك الكبير  * رد * شكراً  ، يا عم بجد احكي  ماخليكش كده .

مش هقول لك متضايق من شيء معين بس هشبه لك تشبيه شوف : لو في مريض محتاج  لعلاج . مش لازم نعالجه طبعاُ لازم  * رديت * أكيد  ،  طيب لو في حاجه سخنه ودرجة حرارتها عاليه وبنحاول نبردها بتلج بس التلج بيعمل مفعول وبعدها يخلص التلج ده لإن السخونه بتجدد .

* رديت * ا انت كده صعبت الموضوع عليا ، و كده قلقتني قول في أيه ؟

بصراحه انا شاب ملتزم ، بس انا انسان ليا مشاعر واحاسيس زي أي إنسان  ، عايز أتجوز عايز أعيش الحلال  ** طيب وماله **

انت عارف ظروف الحياه وهنا المشكله الكبرى ، الحلا للا أملكه والحرام نفسي ترفضه  ، ممكن تنزلق قدمي – لكن يوفقي الله وأرجع إلى صوابي .

المشكله هي الضغط النفسي الذي اعيش فيه حالياً لا اريد حرامً ولا أملك الحلال ، انا صحيح ملتزم ولكني إنسان لي احاسيس ومشاعر ، شهوة وقدره ، أتعرض للفتن كأي أحد بل أكثر ، فماذا أفعل ؟

* رديت * : تصدق موضوع صعب جداً ،   * قال هو * : شوف المشكله التانيه

محدش حاسس بيا ، محدش معايا ، محدش فاهمن – كله فاكر إني بطلب حاجه صعبه  كده وخلاص ( دلع يعني ) ،، محدش عايز يساعدني ولو بكلمه كل الب بسمعه ( اعتمد على نفسك )  / ماشي اعتمد علي نفسي  لكن الظروف الحاليه متساعدتش حد يعتمد على نفسه ؟

** رديت ** : طيب ما هو انا اعتمدت على نفسي .

* رد هو * يا عم الكلمه دي باسمعها كل شويه ، والله والله زمانكم غير زمانا .

أنهيت الحوار الصريح جداً بس بصراحه مش عارف للمشكله دي حل ؟

العيب عند مين ؟ مين السبب ؟ طيب الحل فين ؟

الي عنده حل يقول ؟